بھگا کر دم لینگے @IhsanMarwat_786

 بھگا کر دم لیں گے 

کاش میں جواں ہوتا میرے ہاتھوں میں رعشہ نہ ہوتا پاؤں 

لڑکھڑانے کے مرض میں مبتلا نہ ہوتے میری آواز میں شباب کا جوش ہوتا میری قوت گویائی میں جوانی کی روانی ہوتی میرے گھٹنوں کا درد نہ ہوتا غربت کا مارا ہوا بوڑھا مسلمان ہوں بچے بیروزگار ہیں اہلیہ بھی بیمار رہتی ہیں بیٹیاں جواں ہوگئیں ان کی شادی کی فکر بھی لاحق ہے 

کرپشن اس ملک کا مقدر ہے مافیاز اس وطن کے رکھوالے اور بھیڑیے اس مملکت خدا داد کے وارث بنے پھرتے ہیں 

مہنگائی سے تنگ آکر سیکڑوں لوگوں نے خود کشیاں بھی کرلیں ہیں، میری عمر کا تقاضا تو یہ ہیکہ اب میں خاموش بیٹھ جاؤں اپنی نماز تسبیح و اذکار میں لگ جاؤں مگر مجھ سے میرا رب پوچھے گا کہ بتاؤ جب علماء حق ان ظالم جابر حکمرانوں کے خلاف سراپا میدان میں نکلے تھے تو تم کہاں کھڑے تھے ؟ 

تب کیا جواب دوں گا بس یہی کہہ سکتا ہوں کہ خدایا اعصاب کمزور پڑ چکے تھے غربت نے میرے جذبات میری صلاحیتوں میرے ارمانوں اور آرزوؤں کا گلا گھونٹ دیا تھا

میں ضعیف عمری کو پہنچا تھا لیکن پاکستان نامی ایک ملک میں سفید ریش عالم بنام مولانا فضل الرحمٰن کی کاوشوں کا چشم دید گواہ ہوں بس میں اور کچھ نہ کر سکا ایک امید تھی ایک اعتماد تھا یقین تھا کہ یہ شخص ان حالات میں ہم غریبوں کی فریاد رسی کرے گا 

جب سارے لوگ بک گئے تھے دب گئے تھے ڈر کے مارے تتر بتر ہوگئے تھے تب میں نے کسی روز ریاست نامی اخبار کے فرنٹ پیج پر مولانا صاحب کا بیان پڑھا تھا کہ، بھگا کر دم لیں گے،

میرا تخیل ہیکہ اس بوڑھے بابا نے یہ باتیں سوچتے ہوئے ایک آہ بھری ہوگی اور دھابے والے کو اشارہ کیا ہوگا کہ، بیٹا آدھا کپ چائے لانا تھوڑا سر درد کر رہا 

ہے۔

Twitter @IhsanMarwat_786